ابنا: امريکي شہر اوکلاہما کي يونيورسٹي ميں بم رکھے جانے کي دھمکي اور افواہ کے بعد سبھي کلاسوں کي فوري طور پرچھٹي کردي گئي اور يونيورسٹي کي عمارت کو طلباء اور اسٹاف سے خالي کراليا گيا - اوکلاہما يونيورسٹي کے سربراہ نے اس خبر کي تصديق کرتے ہوئے کہاکہ يونيورسٹي کي سبھي عمارتوں کو خالي کراليا گيا ہے -پوليس نے بھي تصديق کي ہے کہ يونيٹورسٹي کي انتظاميہ کو بم دھماکے کي دھمکي ملي تھي - اس سے پہلے رياست ٹيکساس کي کئي يونيورسٹيوں کو اسي طرح کي دھمکياں ملي تھيں ليکن کوئي بھي بم وہاں نہيں ملا تھا -وائٹ ہاوس پر حملے کي افواہ کے بعد امريکہ ميں کئي منٹ تک خوف و ہراس پھيلا رہا-ہمارے نمائندے کے مطابق ہيکروں نے منگل کے روز ايسوسي ايٹيڈ پريس کا ٹوئيٹر اکاونٹ ہيک کرکے وائٹ ہاؤس پر حملے کي من گھڑت خبر جاري کي جس سے امريکي مالياتي منڈي ميں زبردست خوف و ہراس پھيل گيا- اس جعلي پيغام ميں فوري خبر کے عنوان سے کہا گيا تھا کہ وائٹ ہاوس ميں دو دھماکےميں صدر اوباما زخمي ہوگئے-ايسوسي ايٹڈ پريس نے فورا بعد اعلان کيا کہ سوشل نيٹ ورک ٹوئيٹر پر اسکا اکاونٹ ہيک کرليا گيا ہے- خبر رساں ايجنسي نے اپنے مخاطبين سے کہا ہے کہ وہ تا اطلاع ثانوي ٹوئيٹر پر جاري ہونے والے اس کے پيغامات پر توجہ نہ ديں-وائٹ ہاؤس کے ترجمان جےکارني نے بھي اس خـبر کي ترديد کر تے ہوئے کہاکہ ايسا کوئي حادثہ پيش نہيں آيا- اس خبر کے باعث امريکي شيئر مارکيٹ ميں بھونچال آگيا اور حصص کي قيمتوں ميں عارضي طور پر زبردست کمي واقع ہوئي- ڈو جونز ميں حصص کي قيمتيں ايک سو پچاس پوائنٹ تک نيچے گرگئيں-
.......
/169
